Jeremiah 50

Ilizwi ngeBhabhiloni

1Ilizwi iNkosi eyalikhuluma imelene leBhabhiloni, imelene lelizwe lamaKhaladiya, ngesandla sikaJeremiya umprofethi, ^a lisithi: 2Memezani phakathi kwezizwe, lizwakalise; misani uphawu, ^b lizwakalise, lingakufihli, lithi: IBhabhiloni ithunjiwe, ^c uBheli uyangekile, ^d uMerodaki ubhidliziwe; ^e izithombe zayo ziyangisiwe, ^f imifanekiso yayo ibhidliziwe. 3Ngoba isizwe senyuka simelene layo esivela enyakatho, ^g esizakwenza ilizwe layo libe lunxiwa, ^h ukuze kungabi lomhlali kulo; ⁱ kusukela emuntwini kusiya enyamazaneni kuyabaleka kuhambile. ^j

4Ngalezonsuku langalesosikhathi, itsho iNkosi, abantwana bakoIsrayeli bazakuza, bona labantwana bakoJuda kanyekanye; ^k behamba bekhala inyembezi, ^l bazahamba, bedinga iNkosi uNkulunkulu wabo. ^m 5Bazabuza indlela eZiyoni, ⁿ ubuso babo bukhangele ngakuyo; wozani, lizihlanganise leNkosi ^o ngesivumelwano esiphakade esingayikukhohlakala. ^p

6Abantu bami ^q bebeyizimvu ezilahlekileyo; ^r abelusi babo babaduhisile, bebaphendulela ^s ezintabeni; ^t bahamba besuka entabeni besiya eqaqeni, ^u bakhohlwa indawo yabo yokulala. ^v 7Bonke ababatholayo babadla, ^w lezitha zabo zathi: ^x Kasiyikuba lacala, ^y ngenxa yokuthi bonile eNkosini, ikhaya lokulunga, ^z ngitsho iNkosi, ithemba laboyise. ^aa 8Balekani ^ab liphume phakathi kweBhabhiloni, ^ac liphume elizweni lamaKhaladiya, ^ad libe njengezimpongo phambi komhlambi. ^ae

9Ngoba khangela, ngizavusa ngenze ukuthi kwenyukele eBhabhiloni ^af ixuku lezizwe ezinkulu ^ag zivela elizweni lenyakatho, ^{ah , ai} zizihlele zimelene layo; ^aj kusukela lapho zithunjwe; imitshoko yakhe ^ak njengeqhawe ^al elilamandla ^am kayiyikubuyela ize ^an. 10Njalo iKhaladiya izakuba yimpango; bonke abayiphangayo bazasutha, itsho iNkosi. 11Ngoba lalijabula, ^ao ngoba lathokoza, lina bachithi belifa lami, ^ap ngoba liqolotsha njengethokazi ^aq etshanini, ^ar likhonye njengamabhiza amaduna; ^as 12unyoko ulenhloni kakhulu, owalizalayo uyangekile. Khangela, ingemuva yezizwe iyinkangala ^at eyomileyo ^au lelugwadule. ^av 13Ngenxa yolaka lweNkosi kayiyikuhlalwa, ^aw kodwa izakuba yincithakalo yonke; ^ax wonke owedlula eBhabhiloni uzamangala kakhulu, ^ay ancife ngenxa yazo zonke inhlupheko zayo. ^az 14Zihleleleni ukumelana leBhabhiloni ^ba inhlangothi zonke, ^bb lina lonke eligobisa idandili, ^bc litshoke kuyo, lingagodli mtshoko, ngoba yonile eNkosini. ^bd 15Memezani limelene layo ^be inhlangothi zonke; ^bf isinike isandla sayo, ^bg izisekelo zayo ziwile, ^bh imiduli yayo idiliziwe; ^bi ngoba lokho kuyimpindiselo yeNkosi; ^bj phindiselani kuyo, lenze kuyo njengokwenza kwayo. ^bk 16Qumani umhlanyeli asuke eBhabhiloni, laye ophatha isikela ngesikhathi sokuvuna; ^bl ngenxa yenkemba ecindezelayo ^bm bazaphenduka, ngulowo lalowo kwabakibo, ^bn babaleke, ngulowo lalowo elizweni lakibo. ^bo

17UIsrayeli uyimvu ehlakazekileyo; ^bp izilwane zimxotshile; ^bq kuqala inkosi yeAsiriya ^br yamudla, ^bs emva kwalokho lo uNebhukadirezari inkosi yeBhabhiloni ^bt wephule amathambo akhe. ^bu 18Ngakho itsho njalo iNkosi yamabandla, uNkulunkulu kaIsrayeli: Khangela, ngizayijezisa inkosi yeBhabhiloni lelizwe layo, ^bv njengalokho ^bw ngayijezisa inkosi yeAsiriya. ^bx 19Njalo ngizabuyisela uIsrayeli endaweni yakhe yokuhlala, ^by njalo uzadlisa ^bz eKharmeli ^{ca , cb} leBashani, ^{cc , cd} lomphefumulo wakhe usuthe entabeni yakoEfrayimi ^ce leGileyadi. ^{cf , cg} 20Ngalezonsuku langalesosikhathi, itsho iNkosi, kuzadingwa ububi koIsrayeli, ^{ch , ci} kodwa bungabi khona, ^cj lezono zikaJuda, kodwa zingatholwa; ngoba ngizabathethelela ^ck labo engibenza babe yinsali. ^cl

21Umelene lelizwe leMerathayimi, ^cm yenyuka umelene layo, njalo umelene labahlali bePhekhodi; ^{cn , co} uchithe, utshabalalise emva kwabo, ^cp itsho iNkosi, wenze njengakho konke engikulaye khona. ^cq

22Umsindo wempi uselizweni, ^cr lokuchitheka okukhulu. 23Yeka ukuganyulwa lokwephuka kwesando somhlaba wonke! ^cs Yeka ukwenziwa kweBhabhiloni ^ct unxiwa phakathi kwezizwe! ^cu 24Ngakuthiya ngomjibila, ^cv futhi lawe wathunjwa, Bhabhiloni, lawe wawungazi; ^cw watholwa, futhi wabanjwa, ngoba waphikisana leNkosi. ^cx 25INkosi ivulile isiphala sayo, yakhupha izikhali zolaka lwayo, ^cy ngoba lokhu kungumsebenzi weNkosi uJehova wamabandla elizweni lamaKhaladiya. 26Wozani limelane layo livela ephethelweni, livule izibuya zayo, liyibuthelele ^cz njengezinqumbi, ^da liyitshabalalise, ^db ingabi lansali. ^dc 27Bulalani amajongosi ayo wonke, ^dd kawehlele ekuhlatshweni. ^de Maye kuwo! Ngoba usuku lwawo lufikile, ^df isikhathi sempindiselo yawo. ^dg 28Ilizwi lababalekayo labaphunyukayo bevela elizweni leBhabhiloni, ^dh ukuze bamemeze eZiyoni ^di impindiselo yeNkosi uNkulunkulu wethu, ^{dj , dk} impindiselo ^dl yethempeli layo. ^dm 29Bizani abatshoki bamelane leBhabhiloni, ^dn bonke abagobisa idandili, ^do limise inkamba limelane layo inhlangothi zonke; ^dp kayingabi lokuphunyuka; ^dq liyiphindisele njengomsebenzi wayo, ^dr lenze kuyo njengakho konke ekwenzileyo; ngoba yenze ngokuziqhenya imelene leNkosi, ^ds imelene loNgcwele kaIsrayeli.

30Ngakho amajaha ayo azakuwa ezitaladeni zayo, ^dt lawo wonke amadoda ayo empi ^du azabhujiswa ngalolosuku, ^dv itsho iNkosi. 31Khangela, ngimelana lawe, wena oziqhenyayo, itsho iNkosi uJehova wamabandla; ngoba usuku lwakho selufikile, ^dw isikhathi engizakuhambela ngaso. ^{dx , dy} 32Khona oziqhenyayo ezakhubeka awe, njalo kungekho ozamvusa; njalo ngizaphemba umlilo emizini yakhe ^{dz , ea} ozakudla konke okumhanqileyo. ^eb

33Itsho njalo iNkosi yamabandla: Babecindezelwe abantwana bakoIsrayeli labantwana bakoJuda ndawonye; ^ec njalo bonke ababathumbileyo babagagadlele; bala ukubayekela bahambe. ^ed

34Umhlengi wabo ^ee ulamandla, ^ef iNkosi yamabandla libizo layo; ^eg isibili izamela udaba lwabo, ^eh ukuze inike umhlaba ukuphumula, kodwa inyakazise abahlali beBhabhiloni.

35Inkemba iphezu kwamaKhaladiya, itsho iNkosi, laphezu kwabahlali beBhabhiloni, laphezu kweziphathamandla zayo, ^{ei , ej} laphezu kwabahlakaniphileyo bayo. ^{ek , el} 36Inkemba iphezu kwabaqambimanga ^em ukuze benze ngobuthutha; ^en inkemba iphezu kwamaqhawe ayo ^eo ukuze adilizwe. 37Inkemba iphezu kwamabhiza ayo, ^ep laphezu kwenqola zayo, ^eq laphezu kwayo yonke ingxube yexuku ephakathi kwayo, ^er ukuze babe ngabesifazana; ^es inkemba iphezu kokuligugu kwayo, ^et ukuze kuphangwe. 38Imbalela iphezu kwamanzi ayo, ^eu ukuze ome, ngoba iyilizwe lezithombe ezibaziweyo; ^ev bayahlanya ngenxa yezithombe ezesabekayo. ^ew

39Ngakho izilo zenkangala ^ex lamakhanka kuzahlala khona, ^ey lamadodakazi ezintshe azahlala kuyo, ^ez kakusayikuhlala muntu kuyo kuze kube nininini, ^fa kakuyikwakhelwa kuyo esizukulwaneni kusiya esizukulwaneni. ^fb 40Njengoba uNkulunkulu wagenqula iSodoma leGomora ^fc labomakhelwane bayo, ^fd itsho iNkosi, ngokunjalo kakuyikuhlala muntu khona, ^fe njalo kakulandodana yomuntu ezahlala njengowezizwe kuyo.

41Khangela, abantu bazavela ^ff enyakatho, ^fg lesizwe esikhulu, ^fh lamakhosi amanengi azavuswa evela emikhawulweni yomhlaba. 42Bazabamba idandili lomkhonto; balesihluku, kabayikuba lomusa; ilizwi labo lizahlokoma njengolwandle, bagade amabhiza, ngulowo lalowo ehleliwe njengomuntu wempi emelene lawe, ndodakazi yeBhabhiloni. 43Inkosi yeBhabhiloni izwile umbiko wabo, lezandla zayo zaba buthakathaka; ucindezelo lwayibamba, ^fi umhelo njengowobelethayo.

44Khangela, njengesilwane esivela ekukhukhumaleni kweJordani ^fj uzakwenyuka emelene lendawo yokuhlala okungapheliyo, kodwa ngizahle ngimgijimise asuke kuyo; njalo ngubani okhethiweyo engingammisa phezu kwayo? Ngoba ngubani onjengami? Ngubani-ke ozangibizela ukulandisa? Njalo nguwuphi lowomelusi ongema phambi kwami? ^fk 45Ngakho, zwanini icebo leNKOSI ^fl elicebe imelene leBhabhiloni, lemicabango yayo ^fm eyicabange imelene lelizwe lamaKhaladiya: Isibili abancinyane bomhlambi bazabadonsa; isibili izachitha indawo yokuhlala phezu kwabo. 46Ngomsindo wokuthunjwa kweBhabhiloni ^fn umhlaba uyazamazama, ^fo lokukhala kuzwakala phakathi kwezizwe. ^fp